Здружение на Инвалиди - Шпреса

Доделување на Електронски Колички

2011-07-13T14:11:00.001+03:00

На ден 13.07.2011, во соработка со Х.З.“Класје на Добрината“, на 7 наши членови им обезбедивме електронски колички. Председателот на З.И.“Шпреса“, г-дин Елват Муареми им се заблагодари на представниците на “Класје на Добрината“, ја оцени високо оваа соработка и вети дека и во иднина ќе бидеме отворени за вакви соработки.

Сите Спортуваме, Сите Победуваме

2011-06-30T14:05:00.001+03:00

-Овој проект беше финансиски подржан од Град Скопје, односно, одделението за спорт.
-Драго ни е што за прв пат, еден ваков проект најде подршка бидејќи досега овие деца, лица спо посебни потреби, членови на нашето здружение, немале можност да имаат било каков контакт со спорт.
-Овој проект започна со реализација на ден 05.05.2011 и продолжи до 25.06.2011. Во текот на овој период активностите се реализираа во спортската сала на О.У.“Лириа“ каде ангажиравме и професор по физичко образование за на по професионален начин да ги ангажира децата кои покажаа интерес, односно, 40 лица, по 3 часа неделно.
-Ова беше убаво изненадување и за нас, и за родителите но и за професорорт бидејќи и тој прв пат организираше спортски активности за деца од оваа категорија.
-Како што беше предвидено, финалето се организираше во спортскиот рекреативен центар Сарај, за кое организиравме транспорт, пијалоци и оброци за сите учесници. Реченицата која најмногу се повтори од страна на родителите беше дека се мнгу среќни што им се овозможи на нивните деца да се занимаваат со вакви активности за прв пат во нивните животи. Очигледно дека со овие активности предизвикавме голема душевна сатисфакција кај нашите членови.
-Доколку успееме да најдеме донатори, активностите со овој проект ќе продолжат и понатаму.

Одржување на јавните дебати предвидени со проектот “Креирање на Локални Акциони Планови“

2011-03-10T13:11:00.003+02:00

-Како што е предвидено, сега сме веќе во 5та фаза на проектот “Креирање на Локални Акциони Планови“, чија драфт верзија е веќе готова, каде е предвидено да се одржат јавни дебати во одредените општини каде најпрво ќе се презентираат драфт верзиите на овој документ и потоа да им се даде можноста на сите присутни како што се советниците на општините, работните групи кои ги создадоа плановите, представниците на јавните институции и обичните граѓани за да ги дадат своите критики, предлози и сугестии во врска со овие акциони планови доколку ние сме испуштиле нешто. Сето ова се организира со цел овие стратешки документи да бидат што по исполнети и содржлив.

Јавната дебата во општина Брвеница, одржана на ден 09.03.2011

Јавната дебата во општина Бутел, одржана на ден 23.03.2011

-Јавната дебата во општина Гостивар, одржана на ден 25.03.2011

-Јавната дебата во општина Кисела Вода, одржана на ден 12.04.2011

Креирање на Локални Акциони Планови

2011-02-23T14:19:00.002+02:00

-Овој проект е финансиски подржан од Американската фондација “German Marshal Fund“. Главните цели на овој проект се:

-Креирање на локални акциони планови за подобрување на животните услови на лицата со посебни потреби и нивните семејства
-Иницирање на соработката помеѓу локалните власти невладиниот сектор
-Иницирање на соработката помеѓу самиот невладин сектор

-Издржливоста на овој проект се гарантира со самиот факт што се креира документ кој на крај ќе биде усвоен од советите на самите општини а исто така, З.И.“Шпреса“ после една година има за обврска да ги посети сите општини и да го евалуира имплементирањето на плановите.

-Со овој проект се опфатени 4 општини меѓу кои се општина Гостивар, Брвеница, Кисела Вода и општина Бутел. Имплементацијата на овој проект започна од 01 Август, 2010 година и ќе продолжи до 31 Мај, 2011 година.
-Бидејќи овој проект трае скоро една година, активностите кои се предвидени со него се поделени на неколку фази каде најпрво започнавме со средбите со сите 4 градоначалници и ги информиравме со активностите и целите кои треба да се постигнат со овој проект на територија на нивните општини. Секако, беше побарана и официјална согласност за реализација на овој проект, бидејќи сепак се работи за лицата со посебни потреби, граѓани на нивните општини. Уште од првата средба, градоначалниците беа фасцинирани од оваа идеја и без никакви резерви ја дадоа нивната согласност за реализација на овој проект.

Првиот состанок се одржа на ден 05 Авуст, 2010, со градоначалникот на општина Бутел, г-дин Петре Латиновски.

Вториот состанок се одржа на ден 12 Авуст, 2010, со градоначалникот на општина Брвеница, г-дин Енвер Пајазити.

Третиот состанок се одржа на ден 14 Авуст, 2010, со градоначалникот на општина Гостивар, г-дин Руфи Османи.

Четвртиот состанок се одржа на ден 30 Авуст, 2010, со градоначалникот на општина Кисела Вода, г-дин Марјан Ѓорчев.

Кратко потоа, како што се договоривме со градоначалниците, тие одредија контакт лице со кого ги координиравме сите останати активности.
Следната активност беше формирањето на работните групи кои треба да бројат 10-15 членови, 3 од кои се представници на самите општини (сектор за урбанизам, образование и социјални работи) а останатите членови се представници на НВОи кои делуваат во територијата на одредените општини, центар за социјални работи, агенцијата за вработување, локалните медиуми, специјалните центри, специјалните училишта и бизнис секторот. Формирањето на овие работни групи траеше до 30 Септември, 2010.
Овие 4 работни групи имаа за обврска да следат 2-дневна обука каде сите членови имаа можност да се запознаат со актуелните закони на Р.М. кои имаат врска со правата на лицата со посебни потреби, меѓународната конвенција за правата на лицата со посебни потреби која беше донесена од ООН на ден 13 Декември, 2006 година, Агендата 22- стандардните правила, европската конвенција и разни други декларации кои се обврзувачки или декларативни. Сиот овој материал им беше доделен на членовите на сите работни групи преку ЦД. Во текот на овие обуки се потпишаа и меморандумите за соработка помеѓу З.И.“Шпреса“, општините и останатите членови на работните групи, представници на разни институции.

Првата обука се одржа во општина Брвеница на ден 04-05 Октомври, 2010.

Втората обука се одржа во општина Гостивар на ден 20-21 Октомври, 2010.

Третата обука се одржа во општина Бутел на ден 25-26 Ноември, 2010.

Четвртата обука се одржа во општина Кисела Вода на ден 17-18 Јануари, 2011.

-Како следна активност беше организирањето на 3- дневните обуки за секоја општина каде веќе вршиме конкретни активности каде на партиципативен начин сите заедно ги листаме правата и проблемите кои ги преокупираат лицата со посебни потреби- граѓани на овие општини, започнувајќи од јавната свест, социјалната заштина и социјалните сервисни служби, образованието, физичката пристапност, пристапноста до информациите, спортот, културата и вработувањето.
Сите овие собрани податоци, З.И.“Шпреса“ заедно со фасцилитаторот кој истовремено беше и обучувачот во текот на обуките, г-дин Африм Иљази кој е експерт од ова поле, ги обработува и ги става на хартија со што се креира драфт верзијата на Локалните Акциони Планови.

Првата работилница се одржа во општина Гостивар, на ден 09-10-11 Декември, 2010 година
Втората работилница се одржа во општина Бутел, на ден 12-13-14 Јануари, 2011 година

Третата работилница се одржа во општина Брвеница, на ден 07-08-09 Февруари, 2011 година

Четвртата работилница се одржа во општина Кисела Вода, на ден 14-15-16 Февруари, 2011 година

Процесот продолжува и понатаму.

Обезбедување на 5 Електронски Колички за Нашите Членови

2010-10-27T13:11:00.001+03:00

Уште еднаш, З.И.“Шпреса“ ја докажа својата посветеност кон нејзините членови обезбедувајќи 5 електронски инвалидски колички за тие членови кои имаа потреба за истите. Оваа донација стигна од едно деловно лице кое сака да остане анонимно и ние сме многу благодарни за соработката бидејќи успеавме да ја исполниме целта на донаторот и да ги исполниме потребите на 5 наши членови, 4 од кои следат редовно образование во различни циклуси.
Нема никаков сомнеж дека ова беше еден голем хуман гест за кој сме многу благодарни и се надеваме дека во иднина ќе имаме и други донатори кои ќе ни помогнат со вакви или слични донации.
Оваа донација се додели во присуство на лицето кое беше определно од донаторот на ден 26.10.2010 во селијата на З.И.“Шпреса“

Летен одмор

2010-09-21T13:24:00.003+03:00

Земајќи во предвид дека семејниот буџет на оваа категорија на лица не им дозволува лукс каков што е летниот одмор, З.И.“Шпреса“ се обрати до Црвен Крст на град Скопје со официјално барање за да им се овозможи летен одмор на неколку наши членови. Од нивна страна добивме позитивен одговор за 5 наши членови кои ја искористија оваа можност почнувајќи од 15.09.2010 до 20.09.2010, во хотелот на Црвен Крст во Струга.
Ова е почетокот на една активност која веќе стои на нашата план- програма и се надеваме дека во иднина ќе бидеме во можност да најдеме донатори за да се задоволат потребите на уште повеќе членови.

Месни Производи за Побогата Трпеза

2010-09-03T14:04:00.005+03:00

Сметајќи дека сме во светиот месец Рамазан- 2010, исто како и предходните 3 години, и оваа година, компанијата за месни производи “Ука- Комерц“ која се наоѓа во општина Сарај, Скопје, и донираше на здружението 250 пакетчиња со месни производи, во вредност од 30 евра. Знаејќи дека Македонија е во тешка економска состојба, оваа донација е многу добродојдена за нашите членови и ние ја цениме многу.
Се надеваме дека соработката ќе продолжи и понатаму.
Исто така, во соработка со други донатори кои сакаат да останат анонимни, разделивме околу 2500 кг прехрамбени и хигиенски артикли од сите видови.

Центар за Психо- Социјални услуги

2009-12-29T13:57:00.002+02:00

Овој проект е финансиски подржан од Министерство за труд и социјална политика на Р.М. Неговата цел е да им се даде можност на што поголем број на родители на деца со посебни потреби и на самите лица со посебни потреби, членови на З.И.“Шпреса“, да се запознаат со нивните права кои се гарантирани од актуелните закони на Р.М. од страна на социјален работник. Преку психологот, на овие 24 лица им се дава можност да научат како да ги превладеат проблемите на нивните секојдневни животи, во стресни ситуации или депресии, за да не се врши насилство во семејството, да нема дискриминација и да се одбегнат разводите, затоашто разводот е уште една несреќа плус за децата од оваа категорија.

Овој проект почна со имплементација на ден 01.10.2009 и ќе трае до 31.12.2009 година. Бидејќи интересот беше многу голем, како од родителите татковци така и од родителите мајки, се надеваме дека ќе најдеме донатор за да го имплементираме овој проект и наредната година.

Обука по информатичка технологија и англиски јазик за лицата со посебни потреби- Лето 2009

2009-12-15T13:39:00.002+02:00

Во текот на месец Јуни и Јули, З.И.“Шпреса“ имплементираше проект подржан од SPA програмата, овозможено од USAID и Мировен Корпус, Македонија. Во текот на 8 недели, 9 членови следеа обука за време на викендите, за да научат Англиски јазик и информатичка технологија.

Обуката ја одржуваше Африм Бајрами, заедно со Блерим Реџепи кој им асистираше на кандидатите. Обуката по англиски јазик се состоеше од почетничкото ниво на говоречкиот јазик, почнувајќи од буквите на англиската азбука, претставувајќи се себеси, и прости реченици и прашања од минато, сегашно и идно време.

За време на обуката по информатичка технологија, кандидатите научија да го употребуваат Microsoft Office. За време на часовите, дадени беа детални инструкции за тоа како да се употреби MS Word, Publisher и Powerpoint, кои се многу важни способности за идните можности за вработување.

Секоја од овие сесии беше снимена за да се зголеми ефектот на проектот во средината. Снимките беа искористени како лекции од 5-20 минути, фокусирајќи се на главните лекции. Сите овие лекции беа вметнати во DVD и им беа дадени на кандидатите кои ја следеа оваа обука во текот на летото, за да можат да вежбаат и да го повторат тоа што го научиле. Останатите DVD ќе им бидат дадени на други членови кои се заинтересирани да научат Англиски јазик и информатичка технологија.

На ден 25.11.2009, овој проект и официјално заврши, со едно мало собирање на сите кандидати за да им се поделат сертификатите. Сефер Хисени, член на З.И.“Шпреса“, кој е вработен во општина Чаир, зборуваше со кандидатите за неговото искуство за тоа како е да се биде лице со посебни потреби и да се живее и работи во ова општество, за да ги охрабри кандидатите да продолжат да учат и да ги подобруваат своите способности.

Обуката по англиски јазик
обуката по информатичка технологија

Услови за комуникација на лицата со хендикеп без бариери

2009-03-25T14:47:00.002+02:00

Овој проект беше финансиски подржан од Владата на Р.М, секторот за соработка со НВО, со кој имавме за обврска да изградиме 5 пристапни рампи пред 5 јавни институции. Проектот започна со имплементација на ден 11.01.2009 и заврши на ден 27.03.2009 и длабоко сме убедени дека проектот се имплементираше успешно. Ние како здружение кое ги третира проблемите на лицата со хендикеп, вакви проекти ќе имплементираме и во иднина, затоашто сме убедени дека ваквите проекти директно влијаат на животните услови во нивните средини.

Локален Акционен План за Лицата со Посебни Потреби на Ниво на Општина Чаир, 2008-2010

2009-02-16T15:00:00.000+02:00

Со цел да се поправат условите за независен живот на лицата со посебни потреби во општина Чаир, Здружението на Инвалиди “Шпреса“, во соработка со француската организација “Handicap International”, а се придружија многу други невладини организации, и се разбира, со една силна подршка од општина Чаир, го поттикнаа креирањето на акциониот локален план за лицата со посебни потреби кој е базиран врз стандардните правила на Обединетите Нации.
Овој проект се реализираше во текот на целата 2007 година, а се круниса на ден 07.12.2007 година, кога и се усвои од страна на советот општина Чаир.
Со овој проект беа евидентирани сите проблеми кои ги преокупираат лицата со посебни потреби во територијата на општина Чаир, и како што е предвидено, следува 3 годишен период за имплементирање на истиот. Во почетокот на 2008 година, беше потпишан договор помеѓу З.И.“Шпреса“ и “Handicap International”, токму за имплементирањето на овој план, и во текот на оваа година, работната група која беше предвидена да се формира, во соработка со представниците од општината, работеше доста успешно и успеа да ги постигне овие резултати:

Со нашите активности успеавме да се изградат две рампи пред две институции;

З.И.“Шпреса“ спроведе курс по информатика за 24 лица со посебни потреби, кој траеше 3 месеци, почнувајќи од 10.09.2008 до 28.12.2008

Во главниот влез на општината Чаир, се изгради рампа за лица со посебни потреби која ги исполнува сите градежни стандарди.

Подготовки за основање на канцеларија за информации која ќе работи според едно-шалтерскиот систем.

Се разбира дека, ние како З.И.“Шпреса“, активностите за спроведување на локалниот акционен план 2008-2010, ке ги продолжиме и во текот на 2009 година и се надеваме дека ќе постигнеме поголеми и поконкретни резултати.

Обука за иницијално остручување на лицата со посебни потреби

2009-02-13T15:03:00.000+02:00

Овој проект започна со подготвителната фаза од 10.09.2008 а обуката започна на ден од 20.10.2008. Со овој проект беше предвидено да се обучат 24 наши членови, поделени на 4 групи по 6 члена, во зависност од нивното претходно знаење, во сферата на информатичката технологија. Оваа обука се одржи во едукативниот центар кој е во склоп на З.И.“Шпреса“. Овој проект траеше до 28.12.2008, а финансиски беше подржан од Град Скопје.

Младите во борба против социјалната исклученост

2009-02-12T15:15:00.002+02:00

Здружението на инвалиди Шпреса, во текот на 3те последни години, посвети посебно внимание на создавањето на услови за што е можно подобра инклузија на лицата со посебни потреби во редовните училишта. Ова не е направено ненамерно, затоашто е општо познато дека образованието на едно лице влијае директно на креирањето на личноста.
Проектите кои влијаеја на создавањето на условите се имплементирани на различни начини. Кога го велиме тоа, мислиме на промените кои ги стекна проектот со текот на времето, се со цел негово усовршување. Ова значи дека до пред 2 години, овој проект се имплементираше само преку театарска претстава на уличен театар. Во последно време, со истиот проект предвидена е и работилница. Последниот проект беше финансиски подржан од познатата фондација Сорос, а се имплементираше во Струмица, Штип, Велес и Струга.

Целта на овој проект беше да се сензибилизираат и да се охрабрат или поттикнат представниците на сите образовни институции и представниците на сите невладини организации од одредената општина, не исклучувајќи ги тука и представниците на самата општина бидејки, со новата територијална поделба, многу од ингеренциите во образованието остануваат врз општината, за сите заеднички да создадат услови за што е можно подобра инклузија на децата со посебни потреби во редовните училишта.
Условите кои треба да се создадат се:
-Секоја образовна институција да има физички пристап;
-Да има вработено стручно лице, или дефектолог;
-Сите училишта да се снабдат со помагални средства за учениците со посебни потреби;
Втората цел на овој проект беше, паралелно, на сите присутни на оваа работилница да им доделиме анкетни листови, во кои се прашуваше колку училишта во таа општина имаат физички пристап, колку ученици со посебни потреби посетуваат редовна настава во едно одредено училиште и дали училиштата имаат вработен дефектолог.
Трета цел на овој проект беше да се подигне свеста кај сите присутни, без разлика дали се работи за децата или наставниците, за да ги прифатат децата со посебни потреби во нивните средини без предрасуди и стереотипи.
Овој проект се спроведуваше на две фази:
-Првата фаза беше организирање на работилница за гореспоменатите представници од одредената општина, во која предаваше експерт по дефектологија;

Втората фаза беше претставувањето на Уличен Театар, кој требаше да го следат учениците од училиштата кои гравитираат во одредената општина;

Сето ова беше препратено со флаери и постери.
Овој проект започна со спроведување од 01.11.2007 и траеше до 30.04.2008. Со овој проект, освен овие 4 општини, претходно беа опфатени и овие града или општини: Скопје, Куманово, Тетово, Гостивар, Кичево и Кавадарци. Со овој проект, целиме да ги опфатиме и останатите општини на Р.М. затоашто само на овој начин можеме да кажеме дека не сме ги дискриминирале лицата со посебни потреби кои живеат во тие општини.

280 инвалидски колички, донација од САД

2009-02-11T15:16:00.000+02:00

Многу лица со посебни потреби имаат потреба за инвалидски колички и не можат да си дозволат себеси да ја купат, дури и со социјалната помош која ја добиваат од владата.
Сега брзо, завршивме со еден проект, во соработка со Мировен Корпус од САД, со кој обезбедивме инвалидски колички за тие лица кои имаат потреба од нив и помогнавме да се затне таа дупка во социјалните услуги на владата.
Идејата за овој проект се роди пред 2 години, за време на еден состанок меѓу поранешната директорка на Мировен Корпус, и председателот на З.И.“Шпреса“, г-дин Елват Мухареми. Посветеноста и соработката помеѓу двете организации го донесе проектот пред имплементирање минатата година. На ден 15.07.2008, добивме збор дека 280 инвалидски колички веќе стигнале во Грција, и чекаат да се префрлат во Македонија.
Се комплетираше потребната документација и владата ни Р.М. ни дозволи да ги внесеме количките во државата без плаќање на царина. Компанијата за шпедиција Орбит се погрижи за целиот процес и количките се ставија во магацин се до денот на распределбата.
На ден 01.08.2008, ги поканивме нашите членови и нивните семејства, представниците на Мировен Корпус и медиумите, за да ни се придружат за свеченото распределување на овие колички. Овој настан беше доста емотивен за сите нас и нашите членови беа пресреќни што ги добија овие колички.

Во текот на месеците кои следуваа, доделивме колички и на други организации:

Август 20, 2008
-10 колички за геронтолошкиот центар “13 Ноември“

Август 26, 2008
-30 колички за здружението за одбрана на правата на лицата со псоебни потреби “Мирсија“, Куманово

Август 28, 2008
-40 колички за здружението на параплегичари и лица со детска парализа “Handicap”, Тетово.

Септември 06, 2008
-26 колички за “Handicap- Uniteti”, Гостивар

Септември 24, 2008
-10 колички за здружението на телесни инвалиди, Кичево

Октомври 21, 2008
-10 колички за здружението на телесни инвалиди, Дебар

Октомври 22, 2008
-10 колички за здружението на телесни инвалиди, Скопје

Декември 03, 2008
-5 колички за дневниот центар, Тетово

Уште еден настан за распределба на количките се случи во Куманово, на ден 14 Септември. Присутни беа и З.И. “Шпреса“, заедно со представниците на Мировен Корпус. Времето не беше идеално за еден таков ден и многу малку лица имаа можност да бидат присутни за да си ги подигнат количките. Како и да е, членови на нивните семејства беа присутни, и ги подигнаа количките во нивно име. Останатите организации не беа во можност да организираат такви настани.